Atanglei thawnghlatnak nih mawtawka na cawk tik ah a hmanmi biakhiahnak tuah khawh ding in an bawmh lai.
1. Dohlatnak tuah hmasa
- Tadinca cawgiami le internet i cawgiami a man kha tahchunhnak tuah.
- Mawtaw chiahnak dum phunphun ah na kal lai.
- A man kong caihmainak tuah khawh asi, abikin hmanciami mawtaw na cawk tikah
- Mawtaw magazine le website nih mawtaw tuahkhawhnak, datsi adihmi, himternak le a dangdang kong tlintein an piah lai
- Mawtaw pakhat ceo zohkhennak ah a dih mi kong na hlathlai lai. Tahchunhnak ah ram dang in a rak lutmi mawtaw cu remh tikah tamdeuh adih kho.
- Atanglei thil hna nih a hmanmi thawnghlatnak an pe kho lai:
2. Tangka le aamahkhannak caah dawr ah na kal lai
- Laisen ngeih mi mawtaw chawlettu tamdeuh nih tangka an pe. Asinain hi hi cu nangmah caah man a fawi bik mi asiloah a tha bik mi ruahnak a si men lai lo.
- Baan man khiahnak le baan man, tangka cawihnak bu le tangka mi a cawihmi bu zong kha hlathlainak na tuah lai.
- Leiba kong hnatlakpinak a um hlan ah mawtaw cawk ding ah lungtlinnak biahren min na thut lai lo.
- Tuah hrimhrim ding mi a si lo ah cun, mawtaw na cawk ahcun aamahkhannak lak cu ruahnak thatuk mi a si. Aamahkhannak nih hliamkhuainak na ton tikah asiloah na mawtaw cu firpiaknak, rawknak asiloah hrawhpiaknak a ton tikah a dih ding mi chungin an khamh lai.
- Na duhmi tuahpiaktu sin poah ah aamahkhannak cu na ngah khawh. Tangka hmannak cazin chung ah aamahkhannak cu fawnh ding ah philh hlah.
- Aamahkhannak ah a dih mi cu mawtaw phun caah le mawtaw mawnghtu mankhiahnak caah aa dang lai. Kum 25 tang a si mi nih amawngh ah cun tam deuh na pek lai.
3. Mawtaw cawk ding ah a thabikmi lam thim
- Atlangpiin cun mawtaw tamdeuh cu laisen a ngeih mi mawtaw chawlettu sin in cawk asi.
- Asinain hmanciami mawtaw kha pumpak zuartu sin asiloah lailaan inn ah na cawk kho rih. Nangmah caah a tha bik mi lam thim ding ah philh hlah.
- Pumapak zuartu sin asiloah lailaan in cawk cu a can can ah a man a tlawmdeuh. Asinain laisen ngeihmi mawtaw chawlettu sin cawk ban tuk in tazavuan in nawlngeihnak na ngeih lo caah tih a nung tuk. Mawtaw na cawk hlan ah dohlatnak na tuah kho lai lo.
- Laisen ngeihmi chawlettu sin na cawk ah cun tazavuan nawlngeihnak tamdeuh na ngei lai. Tahchunnak ah, mawtaw lungtlinnak biahren min na thut khawh in na lung nai thlen kho.
- Laisen ngeihmi chawlettu sin na cawk tik ah aamahkhannak lehmat pakhat na ngah lai. Aamahkhannak lehmat ti mi cu mawtaw na cawk khawh in thatlonak pakhat khat a um ah cun nangmah nih na pe a hau lai lo.
- Aamahkhannak ngeihmi chawlettu le pumpak zuartu hna cu an pahnih in online ah mawtaw an zuar. Pumpak in na hmu lo mi mawtaw cawk tik ah ralrin taktak a herh.
- Na cawk hlan ah nangmah na zumhmi nih zalawn tein dohlatnak a tuahmi mawtaw seh thilri kong kha na ngah lai.
- Nangmah na ruah ning nakin tlawm deuh tuk in zuar ding ah online ah cawgia mi na hmuh ah cun ralrin tak tak a hau. Mawtaw ngeih ding ah tangka pek chungter i rokralmi khuakhannak asi kho. A tak ah cun mawtaw a um lai lo.
Mawtaw cawk tikah
1. Lungtlinnak biahren minthutnak
- Lungtlinnak biahren minthut cu thil rih tuk mi ah ruah hlah. Biahren kong theih ding ah caan lak. Na theih lo ahcun a theih mi pakhat khat piah hna.
- Mawtaw avoikhatnak na hmu nak in min thut cawlh lo ding ah i zuam. An zuarnak hmun he aahlat deuhnak in mawtaw kha nangmah caah aitlakmi a si maw silo theih ding ah caan tamdeuh na lak lai. Biahren kong ah na hnatlak lo mi a um ahcun zuartu he ceihhmainak tuah.
- Biahren tlin caan kha thlen khawh asi.
2. Na lung nai hlen
- Na theih ding mi cu laisen ngeihmi mawtaw chawlettu he mawtaw cawk ding ah biahren min na thut ahcun nithum chung caan na ngei. Chim duh mi cu mawtaw cawknak kong he pehtlai in nalung naa tlen ahcun nithum caan na ngei ti nak asi.
- Ni thum chung ah tlenthan dingin bia na khiah tak a si ahcun chawlettu nih:
- $400 asiloah cawknak man i zatuak pahnih, cu nak tamdeuh (mawtaw thar caah) atuah khawh asiloah
- $100 asiloah cawknak i zatuak pakhat, cu nak in sang deuh (mawtaw hmang cia mi caah) a tuah khawh
3. Aamahkhannak lehmat
- Na philh lo ding cu laisen ngeih mi chawlettu sin mawtaw na cawk tik ah aamahkhannak lehmat pakhat na ngah lai. Aamahkhannak lehmat nih hmailei mawtaw cung ah a chuak ding mi thatlonak remhnak ca i peknak chung in an khamh lai. Aamahkhannak caan cu mawtaw pakhat le pakhat aa dang. Pumpak zuarnak asiloah lailan in zuarnak ah aamahkhannak cu a um lo.
- Laisen ngeihmi chawlettu sin in hmanciami mawtaw na cawk tik ah aamahkhannak lethmat an i pek hrimhrim a herh lai, mawtaw cu 160,000 kilometres nak in tlawmdeuh in a kal khawh ah cun.
- Hmanciami mawtaw aamahkhannak lehmat cu upadi ning in thla thum asiloah 5000 kilometres a rau lai. Mawtaw kha thatein a umnak fehter ding ah aamahkhannak caan chung in a chuak mi thalonak poah cu chawlettu nih a remh hrimhrim lai.
- Aamahkhannak caan a dih tik zong hmanh ah mawtaw cung ah pakhat khat thatlonak a um ah cun Australian Thilcawknak Upadi ning in cun nawlngeihnak tampi na ngeih rih. Asinain, huphennak level cu mawtaw kum le sining tibantuk cung ah lai a rel.
- Cawtu le zuartu nih aamahkhannak caan kauhter deuh khawh a si. Hi aamahkhannak cu a hramthawk thilchuahtu aamahkhannak tiang kha lai a rel, cu nak in tamdeuh man zong asi ton. Aamahkhannak kauhter deuhnak cu na lak a hau lo.
4. Zeizatdah na pe taktak ti kha na theih lai
- Laisen tuahmi mawtaw dum ah mawtaw na cawk tik ah a dih mi ‘dihlak’ kha na theih hrimhrim a hau. Dihmi dihlak cu a hlei in dihmi milubenh rian le min peknak tibantuk kha a si.
Mawtaw na cawk khawh in
1. Mawtaw zokhenhnak
Caanhmantein mawtaw zohkhenh ding kha philh hlah. Hi hi nih amah sining te le aman ningtein a um ter lai.
2. Mawtaw remhnak
- Seh remh thiammi na thim tik ah chungtuan pawl nih zulhawk phungphai a zulh mi RACV le the Victorian Authomobile Chamber of Commerce (VACC) bu bantuk ah riantuanmi an si maw si lo na theih lai.
- Mawtaw remh ding in na chuah pi tikah seh remhthiammi kha zeidah tuah a herh timi kha fiangtein na chimh lai.
- A dih hnga ding mi kha asi khawh ahcun ca-tialnak in tuah hmasa.
- A caan caan ahcun seh remhthiammi nih mawtaw chung in a dang a thalonak kha a hmu ton. Nangmah nih nawl na pek lo mi a hlei in tuah ding mi rian an tuah hlan ah nangmah sin chimh hmasater ding kha philh hlah. Remh ding in na hnatlak hlan ah na chim duh mi kha ca in tial ding philh hlah.
- Nangmah le seh remh thiammi mawtaw remhnak ah a dih dingmi kong ah nan hna a tlak lo a si ahcun Consumer Affairs Victoria nih bawmhnak an pe kho. Fiang deuh in theih ding ah hi hi zoh Bia i alnak cahmai kha remh.
Mawtaw hlannak
- Mawtaw na hlan a si ah cun mawtaw hlannak company nih hi hi aatlakmi sining a si maw si lo a theih hrim lai.
- Min na thut hlan ah mawtaw hlannak hnatlaknak na rel ding le theih ding kha philh hlah. Na theih lo a si ah cun a theih mi sin na piah hna lai.
- Mawtaw pakhat khat rawk tikah aho nih dah tuanvo a lak lai ti kha na theih hrim a hau. Tahchunnak ah zeitluk tiang ah dah aamahkhannak nih a liam lai?