Inn hlannak

Skip listen and sharing tools

Innhlang sinak thawhnak 

Hmunhma na hlan hlan ah, innhlan hnatlaknak kha holh in si seh ca in si seh a um a herh, cun sa-paw zong kha chiah khawh ding tangka tling tein na herh. 

  • Inn hlan hnatlaknak (‘lease’ tiah zong auh a si) ti mi cu nangmah le inn ngei tu lak kar i hnatlaknak catlap a si. Mah ah khan inn man, sa-paw, a caan le hlan mi phun le a dang dang zulh ding phung hna le asining pawl kha aa tel. 
  • Inn hlan hnatlaknak cung ah aa tel mi vial te kha min na thut hlan ah theih thiem le hngalh cik cek a herh.
  • In ngei tu a si lo ah inn ngei ai awh tu (agent) pehtlaihnak (contact details) hnakha i lak.
  • Inn ngei tam deuh nih cun sa-paw kha an hal lai. Inn hlan caan dih hnu ah, inn kha thiang tein zohkhenh lengmang lo, hrawh a si lo ah, lei na bat a si ah cun, inn ngei tu nih mah sa-paw chung in tangka zei maw zat kha aa lak khawh.
  • Inn ngei tu nih sa-paw an lak a si ah cun:
    • Umnak hlangtuhna sa-paw nawlngeibu Residential Tenancies Bond Authority hna sin ah a up lai.
    • sa-paw upnak form a tlinh cia mi kha min na thut ve ding ah an pek lai
    • sining report (condition report) kha a timh lai, mah nih cun inn a si ning kha buakthlak in hngalh ter mi asi.
  • Sa-paw na pek hnu ni 15 chung ah cohlan-theihternak (reciept) kha an in kuat lo a si ah cun Residential Tenancies Bond Authority (Umnak hlangtuhna sa-paw nawlngeibu) kha chawn hna.
  • Na sa-paw an in cohlannak-therihternak (reciept) kha a biapi ngai mi a si, thlau hlah. Inn hlan caan a dih hnu ah mah catlap te cun sa-paw na pek mi kha hlam than khawh a si lai.
  • Inn chung na luh hlan ah inn ngeitu siloah inn ngei ai awh tu (agent) nih sining report (condition report) minthut cia mi copy pa hnih kha an pek hrim hrim lai. Inn hmun kha tha tein cek i a humhim tein um khawh ding asi maw si lo, cun le a humhim lo mi pawl a um asi ah cun, ti-lio-nak an kham mi ngakchia caah a hum him deuh lo ti bantuk, cun hmuh khawh mi mei lei i a rawk mi hna zong kha inn ngei tu hna kha na chimh hna a herh lai. Inn kha tha tein cek i report-ca kha tial a si lai, a rak rawk cia mi pawl, pang le zel a kak mi pawl, pang ah aa rin chuk chau mi pawl le timerh, inn-ka a cawng a kiak mi pawl ti ban tuk kha tha tein nan zaoh lai. Cun mah report chung i inn ngei tu asiloah agent nih a tial mi hna-na-tlak lo mi a um a si ah cun tha tein na chin chiah lai.
  • Sining report pakhat kha minthut in inn ngei tu si lo ah agent sin ah inn na luh hnu nithum chung ah na kuat than te lai.
  • Sining report pakhat kha nang nih i chiah. Inn hlan caan dih hnu i a ho nih dah thenhnak caah le, a rawk mi remhnak, le a tlau mi thilri pawl chiah than ding tangka a liam lai tibantuk bia aal nak a um tik ah mah sining report cu na herh te lai.
  • Ti, mei, gas le telephone company pawl na duh mi pawl kha chawn hna law inn na luh hlah ah an rak bunh, peh piak cia ding in na tuah lai. A sining tak tak ah cun mah pawl na tawlrel le bill pawl pek ding cu nangmah na rian a si hrim ko.

Inn hlang na si lio ah

Inn na hlan tik ah na ngei mi covo le tuanvo te te a um.

  • Caan hman tein inn man pek. Inn man na pek chim te kha receipt an in pek lai.
  • Inn hmun kha a si khawh chung in thiang tein chiah. Mah asiloi inn na hrawh sual pang a um a si ah cun inn hlan caan dih ah sa-paw na chiah mi kha tling tein na hmuh than lai lo.
  • Inn kha tharchuah, tamh asilo le remh ti bantuk kha in ngei tu nawl pek mi um lo in na tuah lai lo.
  • Innpaa hna daitein le anpumpak sining hlethlai lo in nan upat lai, nan in ah an rak leng mi hna kha mah bantuk an tuah ve lai.
  • Inn ngei tu asilo ah agent hna cu inn hmun chung ah luh a herh ko tiah a ruang kha ca in tial i suimilam 24 chung ah an pek chung a si ah cun inn chung luhnak nawl an ngei. A ruang chim khawh mi pawl cu kan Inngei tu inn chung luhnak catlap ah khan hmuh khawh a si ko. Hna tlak hnu i ni sarih chung ah a nithla le a caan te ah inn chung ah an rak lut kho.
  • Remh a herh mi pawl a um a si ah cun inn ngei tu asilo ah agent kha chim ko.

    Rianrang in remh a herh mi

    • Rianrang in remh a herh mi a um a si ah cun inn ngei siloah agent kha chawn ko hna. Rianrang in remh a herh mi ti mi hna cu, in chung ah him tein um khawh lo ding tiang in thil a cang mi, tahchunhnak ah, ti-lio-nak chawn mi pang a rawk, mei he aa peh mi thilri silo ah heater, ti a zut cuah mah mi, inn cih a pin lo ruang ah ti a rak lut leng mang mi, gas thilri pawl in gas a zut siloah zunput a rawk mi. Kan chiah mi Rianrang in remh ding mi catlap ah khan cazin dihlak cu nan hmuh khawh lai..
    • Rianrang in remh a herh mi nan chimh mi kha inn ngei siloah agent nih zokzok tein an in tuahpiak ding a si.
    • Inn ngei tu siloah agent nih rianrang tein thil an in tuahpiak lo a si ah cun, nang mah tein $1800 man tiang remhternak nawl na ngei. Riangrang in remh a herh mi a um tiah na chimhnak hna le remhnak i tangka na dih mi receipt pawl kha tha tein na chiah lai.
    • Riangrang in remh a herh mi na remhnak tangka kha inn ngei silole agent sin in rawih than ding in na hal khawh. Mah halnak ca na pek hna ni 14 chung ah tangka an in rawih than a herh. Form pawl le namchuah mi pawl catlap ah khan form pawl kha lak khawh a si ko.
    • Rianrang in remh ding mi caah tangka na ngeih lo a si ah le $1800 leng a dih ding asi i,siloah inn ngei tu nih tangka rawih an duh than ti lo a si ah cun Victoria Thilcaw tu hna hmuhton mi Consumer Affairs Victoria ah ruahnak hal khawh a si ko.

    Rianrang a si lo mi remh a herh mi pawl

    • Rianrang in remh ding a si lo mi pawl kha inn ngei tu silo ah agent kha ca in tial in theih ter khawh a si. Ca silo ah email siloah form hna zong kha hman khawh a si ko i form pawl cu Form pawl le namchuah mi pawl catlap ah khan a um ko hna.
    • Ca na tial mi pawl, email pawl, text kuat mi pawl, form le report pawl kha tha tein copy i chiah lengmang, a ruang cu bia aal nak a um sual tik le harnak pakhat khat na ton sual tik ah nang mah lei kap in tuan vo na lak nak le thil na tuah mi pawl kha langhter tu (teh-te) na ngei ti nak a si lai cu.
    • Inn ngei tu siloah agent hna kha na thaih ter hna hnu ni 14 chung ah an remh lo a si ah cu Victoria Thilcaw tu hna hmuh ton mi ah khan chawn hna.

Inn hlang sinak dihternak

Inn na hlan mi chung in chuah hlao na duh a si ahcun, inn ngei tu kha caan zei maw zat a herh ning chung kha theihternak na pek lai i inn hmun kha thain tein na chiah tak lai.

  • Zeitik ah dah inn thial na duh ti mi kha inn ngeitu silole agent kha ca in tial a herh.
  • Victoria Thilcaw tu hmuhton mi (Consumer Affairs Victoria) ah caan zei zat chung ah dah mah theihternak cu ka tuah lai ti kha cek. Na sining he pehtlai in a caan aa dang kho men.
  • Inn ngei tu siloah agent he khan sa-paw khirh than ding kong kha ceih
  • Sa-paw halthannak form kha tlinh law Residential Tenancies Bong Authority (Umnak hlannak sa-paw tawlrel nawlngei bu) ah khan na kuat lai. Mah form kha nang mah le inn ngei tu nan pa hnih tein min thut a herh.
  • Inn ngei tu nih sa-paw chung in zuh a duh mi a zat na lung atlin lo a si ah cun sa-paw hal than nak form kha min thu hlah. Victoria Thilcaw tu hmuhton mi (Consumer Affairs Victoria ah chawn law a lak in ruahnak hal khawh asi.
  • Sa-paw hal thannak form kha tlinh lo in zeitik hmanh ah min thu hlah.
  • Pekding a herh mi bill pawl le inn hlan man pawl kha pe ko.
  • Inn hmun kha tha teih thenh law na thil ri vial te kha na kal pi lai.
  • Sining report (condition report) kha i chiah law bia aal nak a um sual ah.
  • Inn ngei tu siloah agent sin ah hmunthar na address le pehtlaih khawhnak fone number pawl kha pe ta hna.

Thilbiapi mi pawl i chin chiah a herh mi hna

  • A sawh duh mi na lung a fiang lo mi zei hmanh min thu hlah.
  • A lawng mi, tlinh lo mi form hna kha zeitik hmanh ah min thu hlah, a tak tak a si mi a lo mi a si hmanh ah.
  • Min na thut mi pawl kha copy i chia peng.
  • Thil pakht khat caah man na pek tik ah receipt kha hal leng mang.
  • Sa-paw, le a dang dang receipt pawl le in hlan manpeknak le thil remhnak a dih mi receipt pawl kha a himnak hmun ah chia.
  • Inn hlan nak lei in bia hal na duh mi le harnak na ton a si ah cun Victoria Thilcaw tu hmuhton mi (Consumer Affairs Victoria) ti mi hmun ah ruahnak man pek hau lo in hal khawh a si.